ინგილოური დიალექტის ლექსიკონი

ვითარებითი ბრუნვის -(ა)-დ ფორმანტის მონაცვლე: ყონაღობან ­− ყონაღობად, ყარალობან − ყარაულობად, საყარაუდოდ.

ემფატიკური ან ნართაული ხმოვანი, გამოვლინდება სხვათა სიტყვის -ო ან მის ნაცვალ -ვ ნაწილაკის წინ: წავდეთ ჩონსაო; გაგიმარჟოსავ − გაგიმარჯოსო; გოქავ − გვაქვსო.

შეიცავს -ა ელემენტსა (იხ. -ა2) და სხვათა სიტყვის -ვ ნაწილაკს, მიღებულს -ო-ს გაუმარცვლოებით (იხ. -ვ1, -ვ2).

თანდებ. -თვის, -ზე, შესახებ: ჩემბე − ჩემთვის; რაბე, რაბეთ − რისთვის; ორ რაჲმიბეთ რაბე მიშლია? − ორი რამისთვის რაზე მიშლი?; ჩემბეჲთი ლაზიმი არის − ჩემთვის საჭიროა; ჩემბეაც, ჩემბეთაც − ჩემთვისაც.

-ჯერ, -გზის, -ხელ: ორდეფა − ორჯერ, ორგზის; მეორდეფა − მეორეჯერ.

სახელთა მრავლობითისა და ზმნის თემატური -ებ სუფიქსის მონაცვლე: ბარევი − ბარები: დამზადევაჲ − დამზადებაჲ, ვავსევთ − ვავსებთ, ვუგევთ − ვუგებთ.

ეგევე სხვათა სიტყვის -ვ ნაწილაკი უნდა იყოს წარმოშობით, დამოკიდებულ წინადადებაში იხმარება რომ კავშირის მნიშვნელობით: მერე მიწაჲ გასწორდესავ, ფარცხით ვფარცხავთ; დათესას უკან მიწაჲ გაჴმესვ, წყალ ვწყტავთ (იხ. ა2).

თანდებ. -ვით: გამნასულივი გამოსულივით; სახლევივი − სახლებივით.

(< თანით) -თან თანდებულიანი სახელი დაწყებით ბრუნვაში: ნეფესთანით ნეფესთან მყოფთაგან, ნეფესთან რომ არის, იმათგან (იქიდან).

თანდებ. -თვის: გულისთუნ − გულისთვის, გადითუნ − ვაჟისთვის, ქალითუნაც − ქალისთვისაც; ჩონთნ − ჩვენთვის.

თანდებ. -თვის (იხ. თუნ)

მოქმედებითი ბრუნვის - ით სუფიქსის ნაშთია -თ ელემენტის დაკარგვის შემდეგ, როცა დამატება წინ უსწრებს შემასმენელს: ანწლი (ანწლით) ვხურავთ, ჴელი (ხელით) ვაყრით.

(< -ის-გან-ით) -გან თანდებულიანი ნათესაობითი დაწყებით ბრუნვაში: ბიზიშლებიზგნი − ბიძაშვილებისგან; და რვაზაჲზგნი − ჭიშკრიდან; ჟოხიგნი − ჯოხის გარდა.

სუფიქსია დაწყებითი ბრუნვისა და უდრის -გან თანდებულიან ბრუნვას კითხვაზე საიდან, რა დროიდან: აყრით სხვენიდან; გათიბას ვიწყოვთ სექტემბრით − გათიბვას ვიწყებთ სექტემბრიდან; თორნეჲთი − თორნიდან; შიგაჲთი − შიგნიდან.

თანდებ. -მდე: მიცემინჟახ − მიცემამდე.

ზმნის თემატური ნიშნისა და აბსტრაქტულ სახელთა -ობ სუფიქსის მონაცვლე: ამბოვს − ამბობს; ყარალოვაჲ − ყარაულობა.

-ჯურა, -ნაირი, -ისებრი: ფოთლიჟურა − ფოთლისებური, ფოთლისნაირი; ბთმჟურა − ყოველნაირი.

შეკვეცილი მეშველი ზმნა არის, ერწყმის წინა სიტყვას: კაჲს კაჲ არის, კარგია; ღამეჲს ღამეა; რაჲსა რა არის?

შეკვეცილი -ყე ნაწილაკი, გამოხატავს: ა) სახელობითსა და მიცემით ბრუნვაში დასმული ობიექტისა და მიცემითში სუბიექტის მრავლობითობას; ჰქონდაყ − ჰქონდათ, დოუთესიაყ − დაუთესავთ; ვეზირევს უთხრაყ; ან ბ) ზმნას ანიჭებს მრავალგზისობის მნიშვნელობას: ცხოვაყ − ცხვება ხოლმე.

შეკვეცილი თანდებ. -ყე, -ყენ = -კენ: შინაყ − შინისკენ, უკანაყ − უკანისკე.

ნაწილაკი, გამოხატავს: ა) სახელობითსა და მიცემით ბრუნვაში დასმული ობიექტისა და მიცემითში სუბიექტის მრავლობითობას: ეს ყმაწლები... გავზარდეყე; ბიჭებს აჭმევენყე, ალევინებენყე.

თანდებ -კენ: კარევისყენ − კარებისკენ; ზეჲთყენ − ზევითკენ; შინაყენ − შინისკენ.

თანდებული მასდართან გამოხატავს დროს, -ისას: ჩალთუქი გაზდაში − ბრინჯის გაზრდის დროს; ლურჟ ერ მეტროზე გასულაში − ჯეჯილის ერთ მეტრზე გასვლის დროს, გაზრდისას.