ფშაური ლექსიკონი

ზმნის დაბოლოებას თურმეობით პირველსა და სტატიკურ ვნებითებში -ი-ა სუფიქსთა ნაცვლად: გამიგონავ − გამიგონია; შამივლავ − შემივლია; აკლავ − აკლია; გამოუშვავის − გამოუშვია.

-ზე თანდებულიანი სახელი დაწყებით ბრუნვაში: შამოდგომაზეით − შემოდგომიდან, შემოდგომაზე რომ იქნება, იქიდან.

თანდებ. -თვის: საღამოსთვი − საღამოსთვის; კლდეებისთვინა − კლდეებისთვის.

ნანათესაობითარი ვითარებითის ნიშნები მნიშვნელობით უდრის -თვის თანდებულიანს; ამისად − ამისთვის; ყველაისადა − ყველასთვის; და-ძმისადა და-ძმისთვის.

თანდებ. -კენ: საბძელთაკა − საბძლისკენ (ზედმიწევნით: საბძლებისკენ).

თანდებული -კენ: ფშავისაკე − ფშავისაკენ.

თანდებ. -მდე. -მდის: ბორბალამდენ − ბორბალამდე; თვემდენა − თვემდე.

-ში თანდებულიანი სახელი დაწყებით ბრუნვაში: ციხეშიით − ციხიდან, ციხეში რომ იყო, იქიდან; მთაშიითა − მთიდან, მთაში რომ იყო, იქიდან.

თანდებ. -ში: ორწყალჩი − ორწყალში; ჴელჩი − ხელში.

-ჩი (-ში) თანდებულიანი სახელი დაწყებით ბრუნვაში: საკომჩიით − საკომიდან.

თანდებ. -ზე: ბანძედა − ბანზედა.